Tolosako XV. Hondartza Bolei Txapelketa irailaren 2tik 6ra jokatuko da

Tolosako XV. Hondartza Bolei Txapelketa irailaren 2tik 6ra jokatuko da

Tolobolei elkarteak antolatutako txapelketa Euskal Herria plazan jokatuko da aurten

Txantxangorri aldizkaria

Tolosako XV. Hondartza Bolei txapelketa jokatuko da irailaren 2tik 4ra. Aurten ere 32 talde mistok parte hartu ahal izango dute, Tolosako taberna eta komertzioek babestuak. Partiduak Euskal Herria plazan jokatuko dira.

Izena emateko eta informazio gehiagorako toloboleitxapelketa@gmail.com helbide elektronikora idatzi daiteke.

Beraz, bost egunetan Euskal Herria plaza boleibolean jokatzeko hondartza erraldoia bihurtuko da. Gainera, hamabosgarren edizioa ospatzeko, gau tematiko bat antolatu dute ostiralerako, irailak 5erako. Musika, mozorroak eta sorpresaz betea izango da. Dagoeneko eman dute gaiaren berri: Brasil.

Tolobolei elkarteak urteak daramatza Hondartza Bolei Txapelketa antolatzen. Urtean zehar Tolosako Ferialekuan dute gunea, eskolak emateko eta entrenatzeko egokitua.

Jarrai gaitzazu sare sozialetan: (X, Facebook eta Instagram) gure edukiez gozatzeko. Gainera, proposamen edo iradokizunen bat helarazi nahi badiguzu, txantxangorri@txantxangorri.info helbidera idatz diezagukezu.

Txantxangorri aldizkaria etxean jaso nahi baduzu, erreportajeak online argitaratu aurretik, egin zaitez harpidedun hemen.