Artzai Egunaren 57. edizioa ospatuko dute abuztuaren 31an Uharte Arakilen

Artzai Egunaren 57. edizioa ospatuko dute abuztuaren 31an Uharte Arakilen

Jose Mari Ustarroz Artzai Egunaren sustatzailea eta Idiazabal Gazta Jatorri Izendapenaren lehendakari ohia omenduko dute

Uharte Arakil artzantzaren hiriburu bihurtuko da abuztuaren 31an, Aralar Mendi elkarteak antolatutako Artzai Egunaren 57. edizioarekin. Egun osoan azoka, gazta eta artzantza lehiaketak, artzain-txakur txapelketa, ardiei ilea mozteko eta gazta egiteko prozesuari buruzko erakustaldiez gain, kaikuak, artilea, zintzarria eta txilar erratz tradizionalak nola egiten diren ikusi ahal izango da.

Egun honetan artzantzarekin harreman estua duten pertsonak omentzen dituzte. Aurten ekitaldi berezia izango da, izan ere Jose Mari Ustarroz, Artzai Egunaren sustatzailea eta Idiazabal Gazta Jatorri izendapenaren lehendakari ohia omenduko dute. Ustarroz maiatzean zendu zen. Artzai Eguneko Gazta Lehiaketak bere izena eramango du hemendik aurrera. Era berean, Fermin Leizaolari omenaldi postumoa egingo diote, artzaintzan egindako lan etnografikoagatik; eta Antonio Alustiza txakur-lehiaketako 22 edizioetako txapelduna ere omenduko dute.

Artzai Egunaren garrantzia

2012. urtean Nafarroako Interes Turistikoko Festa izendatua izan zen ardi latxaren eta lehen sektorearen omenaldia, sustapena eta dibulgazioa suposatzen duen ospakizun hau. Artzai Egunaren garrantzia gizartean eta komunikabideetan islatzen da eta ondorioz eskualdeko erakargarritasun turistiko errotuena izatera iritsi da.

Jaiaren helburu nagusia artzainak omentzea eta beraien lana balioan jartzea da, eta Uhartera Arakilera hurbiltzen diren bisitari guztiek egunaz goza dezatela. Horrela, abuztuko azken igandean bertaratzen diren guztiek beraien lana zuzenean ikusi ahal izango dute eta, nahi izanez gero, egiten dituzten gaztak dastatu eta erosi ahal izango dituzte.

Era berean, egun osoan zehar, Nafarroatik eta beste probintzia batzuetatik etorritako artzainek parte hartzen duten lehiaketak izango dira goizeko 10: 30etik aurrera: latxa ardiaren esne gordinarekin egindako Nafarroako Gazta Lehiaketa, Nafarroako ardi latxen esne errendimenduaren lehiaketa, estatu mailako latxa arrazako ardien lehiaketa, eskileo lehiaketa. Jaiegunari amaiera emateko, 17: 00etan Nafarroako Artzain Txakurren Lehiaketa izango da, Oñatiko eta Euskal Herriko Nazioarteko Txapelketarako sailkapena izango dena.

Kontsulta ezazu hemen 57. Artzai Eguneko egitarau osoa >>

Harpidetu zaitez Txantxangorriko papereko alera, edizio digitaleko errepotaje guztiekin gehi errezetak, eskulanak, gure colaboratzaileen artikuluak eta gehiago! Egin klik hemen.

Jarrai gaitzazu sare sozialetan: (X, Facebook eta Instagram) gure edukiez gozatzeko. Gainera, proposamen edo iradokizunen bat helarazi nahi badiguzu, txantxangorri@txantxangorri.info helbidera idatz diezagukezu.

Txantxangorri aldizkaria etxean jaso nahi baduzu, erreportajeak online argitaratu aurretik, egin zaitez harpidedun hemen.