Amaia N\u00fa\u00f1ez Yarza<\/em><\/p>\n Musika munduan murgilduta bizi da gaztetatik. Txistua du ogibide, Gasteizko Kontserbatorioko irakasle da, baina \u2018Et Incarnatus\u2019 orkestrako sortzaile eta hamaika koruen zuzendari izateagatik da ezaguna Migel Zeberio. Duela 24 urte ekimen berritzailea izan zen orkestra, mendian kontzertua eskaintzeko planteamenduagatik besteren artean eta ordutik emanaldi eta ekimen ugari sortu ditu, musika hainbat diziplinekin uztartuz.<\/p>\n Mila proiektu sortzen zaizkio Zeberiori arte eszenikoak orokorrean, eta musika zehazki, zabaltzeko. Azkena, datorren uztailan egiteko antola-tzen ari diren \u2018URMUGA Euskal Herria mendebaldetik ekialdera\u2019 mendi-zeharkaldia, ur isuriak banatzen dituen lerrotik: \u00ab19 egun izango dira orkestrarekin, mendizaleekin eta goi mailako graduko ikasleekin. Zazpi kontzertu eskainiko ditugu, probintzia bakoitzean bana, baita batzuk mendian ere\u00bb.<\/p>\n Lan asko eskatzen duten proiektuak izaten dira, profesional ugariren parte hartzea eskatzen dutenak, baina gustura aritzen da. \u00abBi aukera dituzu: egitea ala ez egitea\u00bb, onartzen du. \u00abBeti ibili izan naiz horrelako gauzak egiten. Hortik sortu zen Udako solstizioan, ekainaren 22an, Tolosako Urkizun eskaintzen dugun kontzertua\u00bb. Laster mende laurdena beteko dute. Azken urteetan gainera Udazkeneko Ekinozioko kontzertua egiten hasi dira Zaraten eta Neguko Solstiziokoa Aralarko San Migelen.<\/p>\n \u00abMendia eta natura, musika, nire pasioak dira\u00bb, aitortzen du Zeberiok eta horiek uztartzen saiatzen da ahal duen heinean. Normalean betiko lagunekin batera antolatzen ditu, bakoitzak bere aletxoa jarriz. \u00abAngel Ortiz, edo Felipe Uriarte mendizaleak, Xabi Lozano argiztatzailea, I\u00f1aki Epelde artista, J. Kruz Igerabide idazlea\u2026 Sentsibilitate handia daukan jende talde zabala da, eta beraiekin lan egitea gozamena da\u00bb. Horrela, talde anitza osatzen dute, bai musikarien aldetik, zein muntaketa eta ezkutuko lanetan ibiltzen diren teknikoekin. \u00abGuztiek dute bere garrantzia, eszenatokiko lanez arduratzen direnak, baita sorkuntzaren eremu zabalekoak ere. Ez da bata bestea baina garrantzitsuagoa\u00bb.<\/p>\n Etxean ikusitakoagatik edo, beti izaten ditu eskuartean proiektuak. \u00abEtxean berezitasun bat genuen: telebistarik ez geneukala, eta liburu eta disko ugari zeuden eta zenbait soinu tresna ere. Kultur zaletasun handia zegoen, aita mila istoriotan sartuta zegoen, CIT-ean, Lizardin, ikastolan…\u00bb.<\/p>\n Horrela, bera sei urterekin hasi zen musika ikasten Tolosako bandako zuzendari zen Jose Antonio Ruiz Bonarekin eta \u00abpixkanaka musikaren munduan murgiltzen hasi nintzen eta beste hiru anai arrebek atzetik jarraitu didate\u00bb.<\/p>\nNatura eta musika uztartuz<\/h3>\n
Azken Muga Zaraten<\/h3>\n